Әнші Ерке Есмахан Ninety one тобының бұрынғы мүшесі Азамат Зенкаевпен қарым-қатынасы туралы сұраққа жауап берді, – деп хабарлайды Tengrinews.kz тілшісі.
Бұл жайлы әнші Instagram-stories-тегі сұрақ-жауап айдарында айтты. Еркенің оқырмандары «Аяғыңыз ауыр ма?» деп сұрады.
«Аяғым ауыр емес! Арамызда неке жоқ! Заңды түрде үйленген жоқпыз! Бірге тұрмаймыз! Тек бір-бірімізді танып, біліп, кездесіп жүрміз! Әрі қарай бұл сезімнен қандай шешім болады, оны Алла біледі! Бәрі уақыттың еншісінде!», – деп жауап берді әнші.
Еске салайық, жақында Азамат Зенкаев та Ерке Есмаханмен түскен суретін жариялаған болатын.
«Baby-she sol Bäibіşe», – деп жазды әнші жазбасында.
