Оралда мерзімді әскери қызметші өзін-өзі атып тастады. Қайғылы оқиға 16 маусым күні таңертең болған.
Сарбаз қаладағы түзеу мекемелерінің бірінде күзетте болған. Ол ауыр жағдайда облыстық ауруханаға жеткізілді. Артынша сарбаз жансақтау бөлімінде көз жұмды.
«Қару-жарақпен күзетте тұрған қарапайым сарбаз өзіне-өзі оқ атқан. Сарбаз жедел жәрдем бригадасымен ауруханаға жіберілді. Дәрігерлердің күш салуына қарамастан, сарбазды құтқару мүмкін болмады. Қазіргі уақытта гарнизонның тергеу органдары тергеу шараларын жүргізуде», – дейді әскери бөлім командирінің орынбасары Жәнібек Сәрсенов.
