8 тамызда Алматыда Royal Tulip Almaty қонақүйінде өткен жиынға қатысқан тағы екі адамға айыппұл салынды.
Әнші Лидо (Лидия Досалина) мен фотограф Ришат Кәрімовке ӘҚБтК-ның 425-бабы (Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу) бойынша әкімшілік құқықбұзушылық туралы хаттама жасалды.
Бап бойынша 30 АЕК (87 мың теңге) мөлшерінде айыппұл төлеу қарастырылады.
Бұған дейін шараны ұйымдастырушы «Е.М. Күлтасов» жеке кәсіпкерлігі, қонақүй менеджері, әнші Луина мен оның күйеуіне айыппұл салынған болатын.
Сонымен қатар әнші Бүркіт, вайнерлер Мейіржан Төребаев пен Дана Есеева, әнші және актриса Рано Умарова, продюсер Ләззат Биғалиева мен шоумен Кирилл Мейстер үшін хаттама жасалды.
