«Мүгедек балаларды дәретханаға байлап тастаған»: Атыраудағы оқиғаға қатысты әкімдік түсінік берді

Атырауда «дәретханаға байланған мүгедек балалар» туралы видеоға қатысты облыстық жұмыспен қамтуды үйлестіру және әлеуметтік бағдарламалар басқармасы түсінік берді.

Басқармасы басшысының орынбасары Альфия Төлеғариеваның айтуынша, бұл видеоны биылғы жылдың 8 сәуірінде шаруашылық бикесі түсірген.

«Басқарма басшылығы аталған видеоға байланысты №3 облыстық арнаулы әлеуметтік қызмет көрсету орталығының қызметкерлерімен жиын өткізіп, түсінік жұмыстарын жүргізді. Тиісті бақылау жүргізбеген орталық директорына «қатаң сөгіс» беріліп, тәртіптік жаза қолданылды», — деді Альфия Төлеғариева.

Маусым айында облыстық прокуратура орталықтағы балалардың құқықтарын қорғау заңдылығына кешенді тексеру жүргізген. Облыс әкімінің бірінші орынбасары мен ҮЕҰ өкілдері орталықтағы қызмет көрсету барысымен та«4 балаға қорлық көрсеткен»: Алматы облысында асырап алынған балаға қорлық көрсеткен жігіт қамауға алынды

Альфия Төлеғариеваның айтуынша, орталықта мүлік ұрлығы орын алып, оған шаруашылық бикесінің қатысы бары анықталған.

«Қолданыстағы заңнамаға сәйкес, шаруашылық бикесі істің мән-жайы анықталғанға дейін қызметтен уақытша шеттетілді. Қазір ол орталықтың қызметкері емес. Орталық ұжымы оның үстінен облыс прокурорының атына ұжымдық арыз жазды. Арызда оның қызметтік этиканы сақтамауы, ұрлыққа барғаны, жала жабу мен басқа да заңбұзушылықтар туралы айтылған. Қазір Атырау қалалық полиция басқармасы таралған бейнежазбаға қатысты тексеру жүргізуде», — дейді Альфия Төлеғариева.

Еске слсақ, осыған дейін Атырауда дәретхананың жиегіне байланған мүгедек балалар түсірілген видео жұртты шошытқаны туралы жазған болатынбыз.