Жамбыл облысындағы жарылыста қаза тапқан өрт сөндіруші Аймановқа ескерткіш қойылады
Жамбыл облысы Байзақ ауданындағы жарылыстан қаза тапқан Жамбыл облыстық Төтенше жағдайлар департаменті өрт сөндіру және авариялық-құтқару жұмыстары қызметі бастығының орынбасары Мейіржан Аймановтың құрметіне ескерткіш қойылады.
Әкімдіктің мәліметінше, бұл туралы облыс әкімі Бердібек Сапарбаев жарылыстан қаза тапқан әскери қызметкерлердің туыстарына мемлекеттік наградаларды табыстау сәтінде айтты.
Бұған дейін Мейіржан Аймановқа Халық қаһарманы атағы берілді. Марапатты марқұмның ұлына табыстады.
