Қазіргі таңда жұртшылықты алаңдатып отырған мәселе – жер кезегіне тұрып, тұрғын үй салу екені белгілі. Бұл мәселе ауданда да оң шешімін тауып отыр. Деректерге сүйенсек, Шу ауданы бойынша тұрғын үй салу үшін жер кезегінде 5906 азамат тіркелсе, оның 4082-і Шу қаласына, 1534-і Төле би, 290-ы Алға ауылдарына тиесілі. Сондай-ақ, Алға ауылында 25 га тұрғын алқапты электр желісімен және ауыз сумен қамту жұмыстары аяқталып, кезектегі 220 азаматақа жер учаскелерін үлестіру жұмыстары ұйымдастырылуда. Ал Төле би ауылындағы 147,73 га тұрғын алқапқа электр желісі жүргізілген, сумен қамтамасыз етуге 688,0 млн. теңге қаражат бөлініп, мердігермен келісім-шарт жасалып, құрылыс жұмыстары жыл соңына дейін аяқталады деп жоспарлануда. Биылғы жылдың соңына дейін аталған ауылда кезектегі 859 азаматқа жер телімін беріледі деп күтілуде.
Шу қаласындағы 258,7 га тұрғын алқапқа электр желісі тартылып, көше жолдарын төсеу жұмыстары жүргізілуде, жобалық-сметалық құны 981,6 млн.теңгені құрайтын ауыз су құбырын жүргізуге бюджеттік өтінім берілген. Шу ауданы тұрғындарының тұрғын үйге қол жеткізіп, баспаналарында бақыт шамы жанатын күн де алыс емес.
