Негізгі салалардың бірі – білім жүйесі бойынша ауданда ілгерліеу басым. Бүгінгі күнге ауданда 47 мектеп, 1 кешкі мектеп, 38 балабақша, 7 мектептен тыс мекем, 1 коррекциялық кабинет жалпы саны 93 оқу ордасы бар. Ал мектептерде жалпы 2334 педагог балаларға тәлім беруде.
Биыл Төле би ауылындағы 300 орындық әл-Фараби мектебі ғимаратының құрылысына, Шу қаласындағы Ы.Алтынсарин мектебіне қосымша ғимарат салуға қаржы бөлініп, құрылыс жұмыстары қарқынды жүргізілуде. Сонымен қатар, жыл соңына дейін Шу-Бурылбайтал автожолының бойында орналасқан «Оқушылар сарайы» да пайдалануға берілетін болады. ҰБТ көрсеткіштері көңіл қуантады. Биыл мектеп бітірген 1029 түлектің 643-і яғни 63 пайызы маңызды сынаққа қатысып, орташа балл 81,97 пайызды құрап отыр.
