Алматы халықаралық әуежайында көлік ұшақтың астына кіріп кетті.
Әлеуметтік желілерде Алматы халықаралық әуежайының ұшу-қону жолағында болған оқиғаның видеосы жарияланды. Кадрлардан көлік ұшақ қанатының астына кіріп кеткенін көруге болады. Онда ұшақ пен көлік бүгін таңғы сағат жетіде соғылғаны айтылған.
БАҚ-тың мәліметінше, ұшақ Fly Jet авиакомпаниясына тиесілі, Бакуден ұшып келген.
Бұл жағдай туралы көліктегі полиция басқармасы түсінік берді.
“Оқиға 22 қазанында болған. Дерекке қатысты ҚР Қылмыстық кодексінің 344-бабы 1-бөлігі («Жол қозғалысы қауіпсіздігі ережелерін және әуе көлігін пайдалану ережелерін бұзу») бойынша соталды тергеу басталған. Қазіргі уақытта іс бойынша қажетті тергеу әрекеттері жүргізіліп жатыр”, – делінген хабарламада.
Қылмыстық іс жүргізу кодексінің 201-бабына сәйкес тергеу мүддесі үшін басқа ақпарат жария етуге жатпайды.
