Қылмыскер өз ұлына донор болып өмірін сақтап қалған. Қазақстанның қылмыстық-атқару жүйе комитеті өз тарихтарында бірінші рет болған бүйрек ауыстыру трансплантациясы туралы айтып берді. Оқиға бұдан үш жыл бұрын болған.
2018 жылдың сәуір айында комитетке сотталушының әйелінен хат келіп түскен. Өз жазбасында әйел шұғыл түрде бүйрек алмастыруға мұқтаж 4 жасар ұлына донор болуға көмек сұрайды. Донор болуға сол уақытта Шығыс Қазақстан облысы аумағындағы қауіпсіздігі орташа мекемеде жазасын өтеп жатқан баланың әкесі келіскен.
«Баланың ауыр халде екенін ескеріп, біз бірден сотталушыны медициналық тексеруден өткіздік. Негізгі диагностикалық шаралар органның әрі қарай трансплантациялауға жарамды екенін көрсетті», — дейді комитеттің медициналық көмек бөлімінің қызметкері Г.Мұсаева.
Осыдан кейін донорды Нұр-Сұлтан қаласына жеткізеді. Ота сәтті өткен. Сотталушының жағдайы тұрақталғаннан кейін, ол жазасын одан әрі өтеу үшін қайтадан колонияға жіберілген. Ер адам өткен жылы ғана бостандыққа шыққан.
Айта кетейік, бұған дейін павлодарлық прокурордың Мәскеуден келген 4 жасар қызға донор болғаны жазылған.
