Биылғы жылдың 1-қыркүйек күні Мемлекет басшысы Қасым-Жомарт Тоқаев Қазақстан халқына Жолдауын жасады. Онда елдің ертенін ойлап, бүгінін бағамдап, өткенін саралайтын, жалпыға ортақ игілікке қол жеткізіп, халықтың әл-ауқатын көтеруге бағытталатын ауқымды істердің жоспары бекітілген. «Халық бірлігі және жүйелі реформалар-ел өркендеуінің берік негізі» атты бұл Жолдауда Қасым-Жомарт Кемелұлы ел күткен мәселелердің шешіміне тоқталып, соны тиянақты орындау үшін тиісті органдарға тапсырма берді.
Аумалы-төкпелі тұста жарияланған бұл құжат сонымен бірге Тәуелсіздіктің 30 жылдығы қарсаңында жарық көріп отыр. Мемлекет басшысы осы құжатта «Егемендік дегеніміз- жалаң ұран мен жалынды сөз емес. Біз үшін маңыздысы-әр азаматтың Тәуелсіздік игілігін сезіне алуы»,-деген болатын.
Сондай-ақ отандастарымыз бейбіт өмірдің бағасын біліп, қоғамдағы тұрақтылық пен тыныштықты одан әрі түлетуі тиіс. Бұл алдымен адам ретіндегі парыз, елдік мұрат жолындағы жұмыс болмақ. Соның нәтижесінде халықтың тұрмыс сапасы жақсарып, жастар өзінің болашағына нық сеніммен қарай алатын болады. Бүгінге дейін берекелі өміріміз бір тегіс болған жоқ. Бұралаңы көп болды. Оның барлығы еңсеріліп, қиындықтармен күресіп келеміз. Мызғымас бірлігіміздің арқасында жолымыз жеңісті болды.
Еліміз егемендіктің төртінші онжылдығына қадам басып отыр. Оның болашағын бүгіннен бастап ұғынып отырмыз. Сондықтан тиімді реформалар елді өркендетуге жетелейтін күш. Оған ортақ түсінік, ортақ түйсік керек. Алдағы уақытты боямасыз қарасақ кез келген сын қатерге дайын болуымыз керек. Тынымсыз тіршілік кешіп, қарыштап дамудың тетігін тапқанымыз жөн.
Қ.Тоқаев ұсынған мәселелер жедел шешімін тауып, көптің көкейіндегі күдікті сейілтуді қажет ететін өткір дүниелер. Пандемия соққысынан кейін есеңгіремей экономикалық даму мақсатынан айнымау маңызды. Оның өзінде қордаланған мәселелер көп, қаузайтын сұрақтар аз емес. Денсаулық сақтау жүйесі де тамырын бекітіп, буынын қатайту қажет ететін сала. Президент бұл салаға кеңінен тоқталып, келелі іске көші жолын нұсқады. Сапалы білім беруге келсек ол күн тәртібінен түспейді. Білімді мыңды жығар деген мақалымыз мәңгі өзекті. Қазіргі уақыттың өзі өңірлік саясатты жетілдіруді талап етіп отыр. «Халық үніне құлақ асатын мемлекеттің» басты қағидаты-мемлекеттік аппарат азаматтар мүддесі үшін жұмыс істеуі тиіс екендігін әсте естен шығармауымыз керек. Жолдауда: «Енді абаттандыру және тұрғын –үй коммуналдық шаруашылығының бюджетіндегі «халық қатысатын» үлесті 10 есеге арттыру керек»,-деген тапсырма берілді. Бұл ел игілігіне қажет аспекті.
Жолдаудағы әрбір тарау толыққанды түсінікті. Әрбір сұраққа салмақты жауап берілген. Ендеше жүйелі реформалар жұрттың көңілінен шығып, қолдауына ие болсын дейміз.
З.САУРАНБАЕВА,
Мойынқұм ауылдық кітапханасының кітапханашысы.
