“Ауылыма кітап” акциясы еліміздің түкпір-түкпірінде жүзеге асуда. Біздің аудан да қалыс қалар емес. Біздің өңірге арнайы акция аясында кітаптарды табыстау үшін “Рухани жаңғыру” жобалық офисінің басшысы Ринат Нұрақбаев ауданымызға ат басын бұрды. Аудан әкімінің орынбасары Ербол Аймамбетов сыйлы қонақты бастап, аудандағы екі мектепке бас сұқты. Алдымен М.Х.Дулати атындағы мектепке болып, “Оқуға құштар мектеп” жобасына дайындығы жоғары деңгейде екендігіне көз жеткізіп қайтты. Көзі ашық, көкірегі ояу болуға ұмтылған балаларды ынталандыруға мектеп демеушілер тарапынан берілген бағалы сыйлықтары арқылы жас оқырмандарын қуантпақ. Тек оқушыларға ойлы кітаптарды оқу қажет. Өзінің білімділігін дәлелдесе болғаны, бағалы сыйлықтар бұйырады.
Бұдан әрі Сәду Шәкіров атындағы мектепке барды. Арнайы келген қонақтар аталған мектептің мұражайында Рысқұлбеков Қайраттың өмір жолымен, қаһармандығымен танысып, тағылым алды.
