Оқушылар арасындағы құқық бұзушылық және суицид мәселесі де ауданда біртіндеп шешіліп келеді. Осы жылдың басында 5 оқушы аудандық ішкі істер бөлімінің есебіне алынған. Оның 4-і ұрлық, 1-і қаңғыбастығы үшін тізімге ілінген. Осы мақсатта аудан әкімдігі жанынан құрылған қорғаншылық және қамқоршылық кеңесі белсенді жұмыс істеуде. Бүгінде кеңесте 175 бала тіркелген. Оның ішінде 111 жеткіншекке ата-анасының қамқорлығынсыз қалу салдарынан қорғаншылық және қамқоршылық белгіленсе, 34 балаға ата-анасының келісімімен 118 қорғаншылық (қамқоршылық) тағайындалған. Ал, 3 бала патронаттық тәрбиеде. 66 бала жетім атанса, 45 өрен ата-анасының қақорлығынсыз қалған. Олардың жетеуінің мүмкіндігі шектеулі.
Қорғаншыларға жетім және ата-анасының қамқорлығынсыз қалған баланы асырап-бағу үшін жәрдемақы тағайындау мен төлеу мәселесі бойынша осы санаттағы 104 жеткіншекке жәрдемақы тағайындалып, жергілікті бюджеттен 10 айлық есептік көрсеткіш мөлшерінде 71 қамқоршы мен патронаттық тәрбиешілерге төленуде.
