Ауданға биылғы күзгі дала жұмыстарына 910 тонна кепілдендірілген дизель отыны бөлінді. Оның ішінде шілде айына 195 тонна, тамыз айына 260, қыркүйек айына 325 тонна, қазан айына 130 тонна берілген.
Сонымен қатар мал азығын дайындау үшін ауданға қосымша 605 тонна дизель отыны берілген. Оның 180 тоннасы тамыз, 65 тоннасы қыркүйек, 360 тонна қазан айына есептелген. Осы орайда айта кетерлігі, кепілдендірілген дизель отынын тарату жұмыстарын оператор «Шу мұнай өнімдері»ЖШС жүргізуде.
Қазіргі таңда күзгі дала жұмыстарын жүргізу үшін мұнай базасына келген 738,75 тонна кепілдендірілген дизель отынының 365,39 тоннасы ауданның 34 ауылшаруашылығы тауарын өндірушілерге таратылды. Сонымен қатар мал азығын дайындау үшін 238,35 тонна мұнай базасына жеткізілген кепілдендірілген дизель отынының 3,700 тоннасы ауданның 1 шаруақожалығына берілді. Бүгінде өңірде дизель отынының бекітілген тарату бағасы 168 теңгені құрап отыр.
