Қазіргі таңда «Электронды үкімет» порталында (www.egov.kz) бірталай қызметтерді электронды түрде алуға мүмкіндіктер бар. Оның ішінде заңды тұлғаларды мемлекеттіктіркеу саласы бойынша да қызметтер қолжетімді.
Мемлекеттік органдар, квазимемлекеттік ұйымдар өз қызметтерін атқару барысында түрлі электрондық деректер қорлары мен ақпараттық жүйелерді қолданады. Аталған деректер қорлары мен ақпараттық жүйелер бір-бірімен ықпалдастырылғандықтан, заңды тұлғалардың, филиалдар мен өкілдіктердің басшылары ауысқан жағдайда, олардың тіркеуші органға басшының өзгергені туралы тиісті мәліметтерді электрондық деректер қорына енгізу сұрағымен жүгінулеріне тура келеді.
Бүгінгі күні, бұл сұрақпен тіркеуші органдарға тікелей жүгіну қажеттігі жоқ, тек «Электронды үкімет» порталы арқылы жүгінсе жеткілікті.
Басшының өзгеруі бойынша портал арқылы көрсетілетін қызметтер келесі түрлерге бөлінеді:
Мемлекеттік мекеменің басшысын тағайындау. Өтініш тағайындалған басшымен ЭҮП арқылы, бұйрықтың (шешімнің) pdf форматтағы сканерленген көшірмелерін енгізе отырып беріледі. Өтініш беруші өтінішке қол қояды.
Банкроттықты, оңалтуды немесе уақытша басқарушыны тағайындау.Өтініш тағайындалған(банкроттық, оңалту, уақытша)басшымен ЭҮП арқылы, тағайындау туралы сот шешімнің pdf форматтағы сканерленген көшірмелерін енгізе отырып беріледі. Өтініш беруші өтінішке қол қояды.
Мемлекеттік мекемені қоспағанда, заңды тұлғаның басшысын тағайындау.Өтініш тағайындалған басшымен немесе заңды тұлғаның жалғыз қатысушымен ЭҮП арқылы беріледі. Уәкілетті органның төрағасы және хатшысымен немесе немесе заңды тұлғаның жалғыз қатысушымен(олармен тағайындалған басшы өтініш білдірген жағдайда) келісіледі. Өтініш беруші өтінішке қол қояды. Қызмет автоматты түрде жүзеге асырылады.
Мұраға сенімгерлік басқарушыны тағайындау.Мұраға сенімгерлік басқарушы нотариуспен тағайындалады. Тағайындау, заңды тұлғаның жалғыз қатысушысы мен басшысы жеке тұлға, «Жеке тұлғалар» мемлекеттік деректер қорында — қайтыс болған, хабар-ошарсыз кеткен деп танылған жағдайда жүргізіледі. Өтініш тағайындалғансенімгерлік басқарушымен немесе сенімгерлік басқарушыны тағайындау туралы куәлікті әзірлеген нотариуспен, сенімгерлік басқарушыны тағайындау туралы куәліктің pdf форматтағы сканерленген көшірмелерін енгізе отырып беріледі.
Филиал (өкілдіктің) басшысын тағайындау.Өтініш ЭҮП арқылы басты ұйымның басшысымен қол қойылып беріледі.
Е. Жұман,
«Азаматтарға арналған үкімет» мемлекеттік корпорациясы» КЕ АҚ –ның
Жамбыл облысы бойынша филиалының Жамбыл аудандық тіркеу және
жер бадастры бөлімінің бас маман-тіркеушісі
