Мойынқұм аудандық санитариялық-эпидемиологиялық бақылау басқармасының басшысы А.Елеуова Ақсүйек ауылындағы №1 орта мектепте ата-аналармен, 12-17 жас аралығындағы балалармен кездесу өткізді. Басқосуда короновирусқа қарсы салынатын Комирнати (Пфайзер) вакцинациясының маңызы туралы, салыну ережелерін, ата-аналардың вакцина салынатын алдында, салу кезінде, одан кейін нені білу керектігі жөнінде түсіндірме жұмысын жүргізді. Сондай-ақ қойылған сұрақтарға заң аясында жауап берді.
