Қазақстандық студенттердің стипендиясы тағы өседі
- Білім және ғылым министрі Асхат Аймағамбетов 2025 жылға қарай студенттердың шәкіртақысы тағы екі есеге өсетінін мәлімдеді, деп хабарлайды shanyraqinfo.kz Stan.kz ақпарат агенттігіне сүйеніп…
![]()
-
Министр соңғы жылдары гранттар саны екі есеге жуық өскенін атап өтті. Оның айтуынша, 2025 жылға қарай гранттар саны кезең-кезеңмен 75 мыңға дейін жетеді.
Сонымен қатар студенттердің шәкіртақысы да көбейеді.
«Президент тапсырмасы аясында студенттердің стипендиясы 2025 жылға қарай екі есеге, ал магистранттар мен докторанттардың стипендиясы 1,5 есеге артады», – деді Аймағамбетов үкімет отырысында.
Сондай-ақ министр министр жоғары оқу орындарын қаржыландыру жүйесіндегі өзгерістерге тоқталды.
«Қазақстан университеттерінің бәрі жан басына шағып қаржыландыру жүйесіне көшті. Университеттерді қанша талапкер таңдаса, сол мөлшерде ғана мемлекет тарапынан грант, яғни қаражат алады. Сәйкесінше, біздің мемлекеттік жоғары оқу орындары жөндеу жұмыстарын жүргізуге, жалақыға, материалдық базасын жаңартуға бюджеттен тікелей қаржы алмайды. Олар жекеменшік университтер сияқты тек студенттердің таңдауына сәйкес жан басына шағып қаржыландырылады», — деді ведомство басшысы.
Сонымен қатар, ол елдегі ең ірі 28 мемлекеттік оқу орны коммерциялық емес акционерлік қоғам ретінде қайта құрылып, корпоративті басқару жүесіне көшкенін еске салды.
Осының арқасында бұл оқу орындарында былтырдан бастан басты шешімдерді директорлар кеңесі қабылдайтын болған. Ал ректор сол қабылданған шешімдерді іске асырады.
Айта кетсек, қазір бакалавр студенттері 31 423 теңге стипендия алады. Педагогика мамандықтары бойынша оқитын студенттерге 50 400 теңге төленеді.
Болашақ дәрігерлердің шәкіртақысы да екі есеге – 26 186 теңгеден 50 400 теңгеге дейін ұлғайды.
Магистранттардың стипендиясы – 76 950 теңге, докторанттар – 172 500 теңге алады.
https://stan.kz/kazakstandik-studentterdin-stipendiyasi-tagi-osedi-355748/?utm_medium=referral&utm_source=lentainform&utm_campaign=stan.kz&utm_term=1297005&utm_content=9782851
