10 секундта 26 рет тістеген: Кәмшаттар үйірі ер азаматты талап өлтіре жаздады

• Сингапурға саяхатшы ретінде келген Британия азаматы Грэм Джордж Спенсерге кәмшаттар үйірі шабуыл жасады. Оқиға жергілікті саябақтардың бірінде болған, деп хабарлайды /shanyraqinfo.kz Stan.kz ақпарат агенттігі The Guardian басылымына сілтеме жасап.

  

  Грэм Спенсерді 20-ға жуық кәмшат тістеп тастаған. Оның сөзінше, барлығы өте жылдам болған.

  Оқиға 30 қарашада орын алған. Спенсер жиырмаға жуық кәмшаттың жолдан өтіп бара жатқанын көрген. Бірақ үйірдің жанынан ер адам жүгіріп өткенде олар «есінен ауысқандай» болды дейді.

  «Өлемін деп ойладым. Расымен, олар мені өлтіруге тырысты», — дейді Британия азаматы.
  Мұны көрген досы жануарларды үркітуге тырысқан. Алайда кәмшаттар Грэм Спенсердің аяғын, жамбасын  тістеп тастады.

  «10 секундта 26 рет тістеді. Досым болмағанда не боларын да білмеймін. Өліп қалар едім», — деді ол.

  Ботаникалық бақта ер адамға медициналық көмек көрсетілген. Бұдан кейін ол ауруханаға барып, сіреспеге қарсы епке алған. Жалпы еміне 1,2 мың доллар жұмсалды.

  Қазір ботаникалық бақ әкімшілігі аталмыш дерек бойынша тергеу бастаған.

  Сингапурде кәмшаттардың 90-нан аса отбасы тіршілік етеді. Жануарлар су қоймаларын тазалау жұмыстарынан кейін қалаға орала бастаған. Кәмшаттар қалада жиі серуендейді, субұрқақтан су ішіп, мекемелерге де кіріп кетеді екен. Адамдарға сирек шабуыл жасайды. Мамандар жануарлардың бұл әрекетін қорыққандығымен байланыстырды.

  Назархан Уан

  Дүйсенбі, 13 Желтоқсан, 2021 12:05