Тараз қаласы әкімінің бұрынғы орынбасары Қайсар Сарытай Грузия елінде қолға түсті, деп хабарлайды shanyraqinfo.kz ![]()
Stan.kz ақпарат агенттігі. Бұл жайында Антикор қызметі мәлімдеді.
«Жамбыл облысы бойынша аумақтық департаменті сыбайлас жемқорлық қылмыстарын жасады деген күдікпен Тараз қаласы әкімінің бұрынғы орынбасары Сарытай Қ.А.-ға халықаралық іздеу жарияланған. Грузияның құқық қорғау органдарымен Қазақстан Республикасы Ішкі істер министрлігінің Сыбайлас жемқорлыққа қарсы қызметі және Интерпол ҰБО-мен бірлесіп халықаралық ынтымақтастық аясында жүргізілген жедел-іздестіру іс-шараларының нәтижесінде Сарытай Қ.А. Грузия аумағында ұсталып, қамауға алынды», — делінген мәлімдемеде.
Антикордың айтуынша, қазір күдікті азаматты Қазақстанға экстрадициялау шарасы жүргізіліп жатыр.
Басқарма сонымен қатар қылмыстық қудалаудан қашып кеткен тұлғаларды іздеуге ерекше назар аударылатынын жеткізді.
«Олардың көпшілігі қазақстандағы әділеттен құтылу үшін барлығын жасайды және сол үшін ел аумағынан тыс жерде жасырынып жүреді», — деп қосып өтті агенттік.
