Мемлекеттік қызметшілер марапатталды.
Қазақстан Республикасы Тәуелсіздігінің 30 жылдық мерекесі қарсаңында Талас ауданы басшылығымен мерекелік іс-шара ұйымдастырылып, Талас ауданының әлеуметтік-экономикалық дамуына қосқан үлесі үшін бірқатар мемлекеттік қызмет саласының ардагерлері мен қызметшілері марапатталды. Тәуелсіздік жылдарында еліміз еңсесін тіктеп, ордалы мемлекетке айналды. Әлемге танылды. Осы кезеңде Талас ауданында көптеген жаңа жобалар іске қосылып, экономиканың барлық саласында жетістікке қол жетті. Мұның барлығы аудан азаматтарының тынымсыз еңбегі мен қолдауының нәтижесінде мүмкін болды», -деді аудан басшысы. Салтанатты жиында Президент Жарлығымен елдің дамуына елеулі үлес қосып жүрген еңбек ардагерлері мен мемлекеттік қызметшілерге «Қазақстан Тәуелсіздігіне 30 жыл» мерекелік медалі, аудан әкімінің «Құрмет» грамотасы мен Алғысхаттары табысталды.
Талас ауданы әкімдігінің баспасөз қызметі
