Еліміздің бір өңірінде карантин шектеулері 30 желтоқсанға дейін ұзартылды
Шығыс Қазақстан облысында карантин шектеулері 30 желтоқсанға дейін ұзартылды
. Өңірдің бас санитар дәрігерінің қаулысы шықты. Құжатта Шығыс Қазақстан облысында шектеу шараларының 30 желтоқсанға дейін ұзартылатыны жазылған, деп хабарлайды shanyraqinfo.kz Қазақпаратқа сүйеніп
Карантин мерзімі облыс аумағында COVID-19 инфекциясының таралуы бойынша ахуалдың өзгеруіне сәйкес қайта қаралуы мүмкін. Бүгінде CОVІD-19 жұқтырған науқастарды емдеуге арналған инфекциялық стационарлардағы төсек қорының толтырылу деңгейі – 13,7%.
Облыс бойынша инфекцияның репродуктивтік R саны – 0,8. Осы ретте, Шығыс Қазақстан облыстық санитарлық-эпидемиологиялық бақылау департаменті халықты карантин талаптары мен республикалық, облыстық бас мемлекеттік санитарлық дәрігерлердің қаулыларындағы барлық шектеулерді сақтауға шақырады.
Автор: Сәке Қанатұлы Тағы да оқыңыздар: https://kaz.nur.kz/society/1947227-elimizdin-bir-onirinde-karantin-sekteuleri-30-zeltoqsanga-deiin-uzartyldy/
