ТӘУЕЛСІЗДІК ҚҰРДАСЫ БАСҚАРАТЫН АУЫЛДЫҢ тірлігі қандай?

Еліміздің бас мерекесі – Тәуелсіздік күні қарсаңында ауылға жол

түсті. Туған мекенге кіреберістен ақшаңқан үйлер, асфальтталған көше, көрнекілік көз тартады.

Ауылды ұлық мереке қарсаңында құлпыртып қойды деуге болмас. Қашанда осындай жайнап, жасарып тұрғаны.

Мұнда ынтымағы берік, еңбекқор адамдар тұрады. Баяғы кеңес заманынан солай.

Аудандық атқару комитетінің төрағасы болып ұзақ жыл жемісті еңбек еткен Қырықбай Асанов «Коммунар»

совхозына мынау директорларың деп бір-бір шыбықты шаншып қойсаң, ондағы бейнетқор ел басын шұлғып, алаңсыз тірлігін атқара береді» деген сөз жарты ғасырдай уақыт өтсе де әлі күнге ел есінен шыққан емес.

Кешегі нарықтық қатынастың өтпелі кезеңінде Игілік ауылдық аймағына қарасты Өндіріс және Игілік ауылдары бүлінуден аман қалды. Тіпті ауылдық аймақ атымен аталатын ауылда бір шыбық та қисайған жоқ.

Атадан әкеге, әкеден балаға жалғасып келе жатқан ынтымақ

пен бірліктің арқасында түтіні түзу шығып жататын ауылдың үлкен-кішісі болып еңбек десе жанып тұрғаны.

Оның үстіне әр жылдары кеңшар директоры, басқарудың әкімдік жүйесі енгелі бері ауылдық аймақ тізгінін ұстаған әкімдердің іскерлігі, ұйымдастырушылық қабілеттерінің

мықтылығы, тұрғындармен тіл табыса еңбек етуі екі ауылдың бірдей ажары таймай, базары тарқамауына үлкен әсер

етті. Қашан еді, биылғы мамыр айында ма «Ауылға әкім тағайындалды, бірақ тым жас екен» деген хабар жетті.

Қайдан, отыз жаста екен.

«Отызда орда бұзбасаң, қырықта қыр аспайсың» деген ертеден келе жатқан мақал ма, мәтел ме еске түскені.

Бұрынғы бірінші Коммунардың, бүгінгі Игіліктің баласы болып

шықты. Атасы өзінің саналы ғұмырын кеңшардың өсіп-өркендеуіне арнаған кісі.

Шаруашылықтың техникасы

жылдың төрт мезгілінде тоқтаусыз жүрсе, оған ол кісінің қосқан үлесі зор. Әкесі де бір мың болғыр жігіт еді. Ауылды иіріп алып кетер дедім бірден. Оның үстіне ауылдық округ

орт алығы – Өндіріс ауылында туып-өскен, ұзақ жыл аудандық

салық инспекциясы басшысының орынбасарына дейін лауазымды қызмет атқарған, бірнеше жылдан бері ауыл әкімі аппаратында бас маман болып еңбек етіп жүрген Манарбек

Жұматаев сынды ауылдық аймақтың ғана емес, ауданның тыныс-тіршілігін жаңғақша шағатын жол көрсетіп,

жөнін айтатын тәжірибелі, ақылшы азамат бар жанында. Айтқандай-ақ, екі ауылдың тыныс-тіршілігін,

жерлестердің жағдайын, ауылдарда атқарып жатқан тірлікті кейбір әкімдер немесе мекеме басшылары сияқты

ақ параққа түскен мәліметке қарап, ежелеп оқып отырмады. Малдың да, жанның да, атқарылған, алдағы уақытта

істелетін жұмысты әдемілеп тұрып жеткізді.

– Негізінен ауыл шаруашылығымен айналысатын біздің ауылдық округке екі ауыл қарайтынын өзіңіз білесіз.

Бүгінде осы ауылдарда 2538 адам тұрып жатыр. Біздегі жер көлемі 124084,5 гектар аумақты құраса, оның 1535,12 гектары суармалы, 38768,16 гектары жайылымдық болса, 2889, 52

гектары шабындық жер. Ауылдарда 98 шағын және орта бизнес кәсіпкерлік құрылымы тіркелсе, онда 112 адам

жұмыс істейді. 9 азық-түлік дүкені халыққа қызмет етеді. Ауылдағы 132 шаруашылық құрылымының 105-і

егістікпен айналысады. Мемлекеттік бағдарламалардың орындалуы да көңіл көншітеді. Оған жеке-жеке тоқталып,

цифрды көбейтпейін.

Өткен он шаруасын күйттей береді. Өткен он айда мүйізді ірі қара – 2217, қой-ешкі – 20867, жылқы – 694, түйе – 339,

құс 1450 басқа жетіп, былтырмен салыстырғанда 105,7 пайызға өсті.

Өндірілген өнім көлемі 101,7 пайызға артты, – дейді Игілік ауылдық округінің әкімі Жандос Жанайдаров.

Екі ауылды көркейтуде де бірқатар тірлік атқарылғанын көрдік. Облыс әкімінің бастамасымен жүзеге асып жатқан «Асар» жобасы бойынша жалғызбасты зейнеткер Нағима Б о л б ы р а қ о в а н ы ң ү й і к ү р д е л і жөндеуден өткізілген. Биыл бюджет қаржысына Игілік ауылындағы шағын футбол алаңшасына жасанды шым төсемесі орнатылып, түнгі жарықпен

қо са қамтамасыз етілген.

Осы ауылдағы А.Рысбаев көшесіне асфальт жабындысы төселіпті. С.Орманов, А.Рыс баев және А.Назарбеков көшелерінің түнгі жарықтары жаңа үлгідегі жарық үнемдегіш шамға ауыстырылған.

Мұндай игіліктен Өндіріс ауылы да тыс қалмаған.

С.Әжіков көшесіне асфальт жабындысы төселіп, тұрмыстық қатты қалдықтар тастайтын орындағы қоқыс тазартылып,

санитарлық жұмыстар жүргізілген.

«Стрит-воркаут» орнатылып, мұндай сауықтыру алаңшасы Игілік ауылында да ашылмақ. Ауылдық округте қандайда бір

ортақ іске келгенде бүтіндей ауыл болып жұмылып кететін бұрыннан қалыптасқан жақсы дәстүр бар.

Игілік ауылының іргесіндегі баяғы кеңшардың қызыл қырманына жүгері дәнінің қабығын аршуға кеңшарда,

аудан мекемелерінде еңбек ететін жұмысшы-қызметкерлерге, мектеп оқушыларына қариялар да топ-тобымен келіп, көмек қолын созатын. Қазірде сондай қайырымдылық қасиет екі

ауылда да жалғасын тауып келеді.

Ауылды көркейтіп, көгеріштендіріп таза ұстауда да игіліктіктердің белсенділігіне былайғы жұрт қызыға қарайды.

Тәуелсіздік құрдасы басқаратын аймақтағы екі ауылдың тұрғындары алаңсыз ғұмыр кешіп жатса, ол бірінші,

Тәуелсіздіктің жемісі. Екінші, бейнетқор елдің ынтымақ-бірлігінің нәтижесі.

Амангелді Әбіл, Сарысу ауданы. облыстық Ақ жол газетінде жарық көрген мақала.

суретте аудан әкімі Марат Сұлтанғалиев ауылдық округ әкімі, тәуелсіздік құрдасы Жандос Жанайдаровты қабылдау сәті