Байзақ ауданының әкімі бастаған топ Ұлы Отан соғысына қатысушы, Жақаш ауылының тұрғыны, соғыс және еңбек ардагері, екінші топтың мүгедегі Өнербай Молдабаевтың отбасына барды.
Ел Тәуелсіздігінің 30 жылдық мерекесімен 96 жастағы Өнербай ақсақалды құттықтаған аудан басшысы бейбіт өмір үшін от пен оқтың ортасында болған кешегі жауынгер, бүгінгі ардагердің ерен еңбегі ешуақытта ұмытылмайтынын жеткізді. Бақыт Алпысбайұлы қазыналы қарияға сый-сияпаттар ұсынды.
Ақ дастархан басында әңгіме өрбіткен қария өз өмірінен сыр шертті. Сонау 1926 жылы Батырақ ауылында дүниеге келіп, Тегістік ауылындағы мектепте төрт жылдық оқуды аяқтап, облыстық бір жылдық мал емдеу курсын бітіргенін айтқан Өнербай қария соғыс басталғанға дейін колхозшы болып еңбек етіпті. Ұлы Отан соғысына бұрынғы Фрунзе ауылынан Свердлов ауданы әскери комиссариаты арқылы 1944 жылы шақырылып, сол жылы 209 запастағы атқыштар полкінде қатардағы жауынгер, 1945 жылы пулеметшы болып, Кенингберг қаласын азат етуге қатысқан. Осы қаланы азат етуге көрсеткен ерлігі үшін «Қызыл Жұлдыз» орденіне ұсынылған. 1945 жылы Берлин бағытында жараланып, 1946 жылы елге оралған. Елге келген соң Фрунзе колхозында мал дәрігері, мал фермасының бригадирі, егіс бригадирі болып жұмыс істегенін айтты қарт майдангер.
Елімізге бейбіт өмір, ашық аспан тілеген қарт сарбаз осындай айтулы мерекеде құрмет көрсеткен аудан басшылығына батасын беріп, ![]()
алғысын жеткізді.
алғысын жеткізді.***
Осы күні аудан орталығы Сарыкемер ауылында орналасқан Ақәділ Суханбаев атындағы саябақта Қазақстан Республикасы Тәуелсіздігінің 30 жылдығына байланысты аудан өнерпаздарының концерттік бағдарламасы ұйымдастырылды. Бағдарламада Тәуелсіздік, Отан, туған жер тақырыптарына арналған патриоттық әндер шырқалды.
