ЖАЗУШЫҒА ҚҰРМЕТ КӨРСЕТІЛДІ

 Сарысу ауданының әкімі Марат Сұлтанғалиев «Дарабоз» сыйлығының екі дүркін иегері, Сарысу ауданының Құрметті азаматы, жазушы Пернебай Дүйсенбинді қабылдады.

Марат Қырғызәліұлы ел Тәуелсіздігінің 30 жылдығы қарсаңында халықаралық «Алаш» әдеби сыйлығының лауреаты атанып, «Ерен еңбегі үшін» медалімен марапатталған жерлесімізді құттықтап, иығына зерделі шапан жапты.

Сондай-ақ, жазушыға ауданның мәдениет саласына сіңірген орасан зор еңбегі үшін алғыс білдіріп, толағай шығармашылық табыс тіледі.

Айта кетейік, әдеби марапат қаламгердің «Жұмбақ жұлдыз сәулесі» (1-том), «Бал дәуреннің бұлтсыз аспаны» (2-том) кітаптары және қазақ әдебиетіне өлшеусіз үлес қосқаны үшін берілді.

Сарысу ауданы әкімдігінің Баспасөз қызметі