Алматыда көлік 3 жаяу жүргіншіні қағып кетті, олардың біреуі көз жұмды

Hyundai маркалы көлікті тізгіндеген 1980 жылғы азамат Рысқұлов даңғылымен шығыс жаққа қарай келе жатып, Донецкая көшесімен қиылыста 62, 52 және 61 жастағы 3 жаяу жүргіншіні қағып кетті.

 Рая Мінап

 Желтоқсан 22, 2021

© 68.мвд.рф

68

қаралым

21 желтоқсанда кешке Алматыдағы Рысқұлов даңғылында көлік үш жаяу жүргіншіні қағып кетті. Зардап шеккендердің біреуі қайтыс болды, – деп хабарлады Алматы Полиция департаментінің баспасөз қызметі. 

Оқиға шамамен 21.30-да болған.

“Hyundai маркалы көлікті тізгіндеген 1980 жылғы азамат Рысқұлов даңғылымен шығыс жаққа қарай келе жатып, Донецкая көшесімен қиылыста 62, 52 және 61 жастағы 3 жаяу жүргіншіні қағып кетті. Олар белгіленбеген жерден өтіп кетпек болған.  Жол апаты салдарынан бір адам көз жұмды. Бұл факт  ҚР ҚК 345 бабы бойынша сотқа дейінгі тергеп-тексерудің бірыңғай тізіліміне енгізілді. Сараптамалар тағайындалды”, – деді Алматы ПД тергеу басқармасы басшысының орынбасары,  полиция полковнигі Салтанат Хишанло.

Sputnik Қазақстан хабарлағандай, зардап шеккен жаяу жүргіншілер  істен шыққан бағдаршамға қарап,  жолдан өтпек болған,-ДЕЙДІ  shanyraqinfo.kz

Hyundai жүргізушісі оларды кеш байқап, тежегішті басып үлгермегендіктен, қағып кеткен. Басылымның хабарлауынша, қазір Рысқұлов даңғылында жол қозғалысы ережесі өзгерген. Таяуда бұл жерде бағдаршамдар өшірілген.