«Уыс-уыс ақша шашты». Тағы бір қазақ қызы африкалыққа тұрмысқа шықты (видео)![]()
Тағы бір қазақ қызының өзге ұлт өкіліне тұрмысқа шығу сәтінің видеосы пайда болды. Әлеуметтік желілерде тарап кеткен бейнежазбада басына сәукеле киген бойжеткенге күйеу жігіт тарапы ақша шашып жатқан сәтін көруге болады.
Сенімді дереккөз мәліметінше, қыздың ұзатылу рәсімі Алматыда өткен, деп хабарлайды http://shanyraqinfo.kz Экспресс К-ге сілтеме жасап…
Рима Нұрлыбекқызы есімді Facebook қолданушысы қазақ қызының ұзатылу сәтінің видеосын жариялады. Онда жерге төселген ақ мата үстімен қазақтың ұлттық киімін киген бойжеткен келе жатқанын көруге болады. Осы сәтте күйеу жігіт тарапы қызға уыс-уыс ақша шашады. Келесі бір видеода африкалық құдаға шапан жабылады. Салтанатты рәсім зәулім хан сарайындай мейрамхана емес, үйдің ішінде түсірілгенін байқауға болады.
Енді тағы да қазақ қызы африкалық жігітке тұрмысқа шығып жатыр. Жәй ғана шын бақыт тілейікші. Бақытты болсын! Қазақ елі мен Африка елі тоқтаусыз құда болып жатырмыз. Африкалықтарды төрімізге шығарып, шапан жауып…
Бейнежазбаны көрген желі қолданушыларының пікірі екіге бөлінді. Бірі қыздың бұл шешімін бұрыс деп, өкініштерін жеткізді. Ал енді бірі ұлттың жаманы болмайтынын айтып, әркім өз тағдырына өзі жауапты екенін білдірді.
Экспресс К африкалық азаматқа тұрмысқа шыққан тағы бір қазақ қызы туралы жазды. Сонымен қатар атыраулық бойжеткен Заида Жаңабаеваның африкалық жігітке күйеуге тигені туралы белгілі болды.
