🔰 ДӘУЛЕТ КӘРІБЕК ДАРЫНДЫ ЖАСТАРДЫ ҚАБЫЛДАДЫ
🔷 Облыс әкімінің орынбасары Дәулет Кәрібек күні кеше ғана Нұр-Сұлтан қаласында өткен республикалық «Ұлы Дала» байқауында «Поэзия» номинациясы бойынша жеңімпаз атанған ақын, Қазақстан Жазушылар одағының мүшесі, «AULIEATA-MEDIA» холдингіне қарасты облыстық «AR-AI» газетінің «Мәдениет және әлеумет» бөлімінің редакторы Нұржан Қадірәлі мен осы редакцияның тілшісі, жас ақын, Тәуелсіздіктің отыз жылдығына орай ұйымдастырылған «Алтын Тобылғы» байқауының бас жүлдесін иеленген Шапағат Әбдірді қабылдады.
🔶 Жүздесу барысында Дәулет Жамаубайұлы республикалық дүбірлі байқауларда өңір намысын асқақтатқан талантты жас ақындармен қазіргі қазақ әдебиеті, мәдениеті мен руханиятына қатысты жан-жақты әңгіме өрбітіп, шығармашылық толағай табыс тіледі. Басқосу соңында облыс әкімінің орынбасары жанына жырды серік еткен екі жас ақынға естелік сыйлықтар сыйлады.
АР-АЙ сайтынан алынды
