Қойнауы тарихқа толы Талас ауданы Қаратау қаласында Қазақстан Республикасы Тәуелсіздігінің 30 жылдығына орай, Жамбыл облысының құрметті ардагері, Талас ауданының «Құрметті азаматы», спорт ардагері Рысқұлов Шымкент Рысқұлұлын еске алуға арналған бокстан 2008-2009 және 2010-2011 жылы туылған жасөспірімдер арасында Талас ауданының біріншілігі өтуде.
Жарыс қазақтың «Балбырауын» күйімен ортаға шақырылған төрешілер мен қатысушы балғын боксшылардың ортаға шығуымен бастау алды. Жарысқа Т.Рысқұлов, Байзақ, Сарысу, Жуалы аудандары және Талас ауданына қарасты Майтөбе, Қызыләуіт, Көктал ауылдық округі мен N 31 және N 32 Балалар мен жасөспірім спорт мектебінің былғары қолғап шеберлері қатысуда.
Шымкент Рысқұлбекұлын еске алуға арналған жарыстың ашылу салтанатына Талас ауданының әкімі Қанатбек Мәдібек, аудандық мәслихат хатшысы Қадірбек Садубаев, Талас аудандық ардагерлер кеңесінің төрағасы Жұмабек Әсемов, Талас ауданының құрметті азаматы Базылхан Тоқтыбаев қатысып, жас спортшыларға сәттілік тіледі. 5 күнге созылатын жарыста 2008-2009 жылғы жасөспірімдер 17 салмақ дәрежесі бойынша өзара күш сынасатын болса, 2010-2011 жылғылар 7 салмақта жұдырықтасады. Жарыс қорытындысы қосымша жарияланатын болады.
Талас ауданы әкімдігінің баспасөз қызметі