17 желтоқсанда Қарағанды облысы Осакаров аудандық полиция бөліміне екі ауыл тұрғынының жанжалдасып жатқаны туралы хабар түскен, деп хабарлайды Шаңырақ инфо Polisia.kz.ке сілтеме жасап…
Ақпарат түскен соң оқиға орнына жедел-тергеу тобы жеткен. Тәртіп сақшылары жанжалдың бұрынғы өкпе-реніштен шыққанын анықтаған. Бір-бірімен сөзге келген ауыл тұрғындарының дауы төбелеске ұласып, содан кейін ер адамдар тараған. Алайда олардың бірі үйіне жүгіріп барып, мылтығын әкелген. Осылайша, 35 жастағы ер адам көшеде 32 жастағы қарсыласына оқ атқан. Зардап шегугі оқ жарақатымен Қарағанды ауруханасына жеткізілген. Күдікті өзінің іс-әрекетін мойындаған. Қару мен гильза тәркіленді. Қылмыстық кодекстің 293-бабы (Бұзақылық) бойынша іс қозғалды. Тергеу амалдары жүріп жатыр. Автор: Нұрила Ермекбай
