«Қансырап өлген»: Алматы облысының тұрғыны інісінің өліміне дәрігерлерді кінәлады
Алматы облысында марқұмның туыстары екі аурухананың дәрігерлерін жауапқа тартпақшы. Ер адам пышақ жарақатын алған, бірақ Талғардағы дәрігерлер жараны өмірге қауіп төндірмейді деп санап, жәбірленушіні үйіне жіберген. Келесі күні ол қайтадан ауруханаға түсті, бірақ бұл жолы Алматыдағы № 4-ші қалалық ауруханаға жатқызылды. Ол жерде де дәрігерлер қауіпті ештеңе байқамаған. Нәтижесінде науқас көз жұмды, ал оның туыстары бес айдан бері дәрігерлердің салғырттығын дәлелдеу үшін күш салып келеді. Бұл туралы Шаңырақ инфо Stan.kz ақпарат агенттігі “КТК” арнасына сілтеме жасап хабарлайды.
Аида Жетпісбаева Талғар полиция департаментінің табалдырығын тоздырған. Әйелді бір ғана сұрақ мазалайды: інісінің қауіпті жарасын байқамаған дәрігерлер жазалана ма? Әйел бірнеше рет тергеушімен сөйлеспек болған, бірақ ол бұған уақыт таба алмаған.
“24 тамызда інімнің өліміне дәрігерлер кінәлі деп танылған арыз жаздық. Осы уақытқа дейін қылмыстық іс қозғалды ма, ол қай сатыда, бұл іс бойынша қандай куәгерлер сұралды, қандай сараптамалар тағайындалды, білмеймін. Тергеуші де, тергеу бастығы да байланыс жасамайды, қоңырауларға жауап бермейді, келсем шықпайды”, – деді марқұмның әпкесі Аида Жетпісбаева.
Аида бірнеше шағым жазды. Оларды полиция бастығы мен Бас прокурорға жіберді. Тергеушіні ауыстыруды сұрады. Өтініш қабылданбады. Қызметкерді істен алып тастайтын нақты себеп жоқ, өйткені ол еңбекқор жұмысшы дейді.
“Екінші шағым қолжазба сараптамасын тағайындау өтінішімен берілді. Өйткені, шығару парағында «Дәрігердің қабылдауы» бағанын орнына науқастың ауруханаға жатудан бас тартқаны туралы жазба болған. Талғардың №1-ші ауруханасы дәрігерлерінің айтуынша, ол ауруханаға жатқызуды қажет етпеген. Ол өз аяғымен жүріп кеткен. Ал негізінде, оған ауруханаға жатуды мүлдем ұсынбаған”, – деді Аида Жетпісбаева.
Аида, егер дәрігерлер жараның қауіпті екенін бірден байқаса, 39 жастағы інісі бүгінде тірі болар деген сенімде. Тамыз айында ер адамды әйелі пышақтаған. Ол оны ұрды, әйел өзін қорғамақ болды. Жарақат алған соң әйелі бірден жедел жәрдемді шақырған. Бірақ дәрігерлер ол өмір сүреді деп, оны үйіне жіберді. Келесі күні қайтадан ауруханаға жатқызылды, дәрігерлер тағы да жара өлімге әкелмейді деп сендірді. Бірақ бірнеше сағаттан кейін Аиданың інісі көз жұмды. Өлім көп қан жоғалтудан болды.
“Ауруханаларға өз аяғымен келді. Барлық процедуралардан өтті. Ол соққы алған жерінде бес минуттан кейін қаза болған жоқ қой. Ол екі күннен кейін қайтыс болды. Оған екі ауруханада да көмек көрсетілмеді. Екі күн одан қан кетуіне жол берді”, – дейді марқұмның әпкесі.
Полиция департаменті бастығының орынбасары Аидамен кездесті. Олар әлі де сараптамалық комиссияның қорытындысын күтіп отырғанын айтты.
“Біз фармацевтикалық компанияға тергеу жүргізетін хат жібердік. Олар осы тексеруді жүргізеді. Біз оларға екі рет хат жаздық. Олар бізге әлі жауап бермеді. Жауап әлі келген жоқ”, – деді Талғар аудандық полиция департаменті бастығының орынбасары Асхат Ильгидаев.
Аудандық полиция басшылығы жәбірленушінің арызы қаралды деп сендірді. Іс облыстық департаментке жіберілді. Онда тергеушіні ауыстыруға шешім қабылданды. Ол тіпті жазалануы мүмкін.
“Жәбірленуші тараптың өтініші бойынша одан әрі тергеу басқа тергеушіге тапсырылды. Бұрын тергеу жүргізген полицейге қатысты қызметтік тексеру басталды”, – деді Алматы облысы ПД ресми өкілі Ернар Сәйділдин.
Аида тағы бір арыз жазды. Оның өтініші бұрынғыша: қолжазба сараптамасын тағайындау. Ол ауруханаға жатудан бас тарту туралы қағаздағы інісінің қолы емес екеніне сенімді.
