Теміртауда шошқаның етін сиырдың етімен араластырып, сатуға дайындап жатқандардың әрекеті жұртты шошытты. Қала тұрғыны ет сататын әйелдердің жымысқы тірлігінің үстінен түскен.
Бейнежазба «Алтын арай» сауда үйі кешенінде түсірілген, деп хабарлайды Шаңырақ инфо Экспресс К.
Шошқа етін сиыр етімен араластырып, сатылымға дайындап жатқан әйелдердің әрекеті Facebook желісінде пайда болды. Қасапханадағы түсірілген бейнежабадан шошқа мен сиыр етінің бірге араласып жатқанын байқауға болады.
Бір қызығы, қасапханадағы әйелдер бұл әрекеттерін жасыруға да тырыспайды. «Иә, шошқаның етімен сиырдың етін сатамыз», — деген сатушының бірі видеоға түсірген қала тұрғынын итеріп шығарып тастайды.
