«7 сағат ота жасалса да, басындағы ісік алынбады»: Күміс алқалы ана қызының емі үшін қайырымды жандардан көмек сұрайды
20 жастағы бойжеткен Диана Мирамханның өмірі қыл үстінде тұр. Арудың ми, мойын, кеуде тұс жұлынынан ісік анықталған. Жаздан бері басындағы ісікке операция жасатқан қыздың ата-анасы несиеден несие алып, қарызға белшеден батқандарын айтып отыр. 9000 доллар көлемінде қаражат таппай, қиналып отырған Диананың анасы ендігі үміт қайырымды жандарда дейді, деп хабарлайды Шаңырақ инфо Stan.kz ақпарат агенттігірне сілтеме жасап…
Күміс алқалы көп балалы ана Ғазиза Боранбаева 20 жастағы қызының ми, мойын, кеуде тұс жұлынынан ісік жазда анықталғанын айтады. Қызының жүруі қиындап кеткесін дәрігерге қаралған олар осындай жайсыз хабарды естіген.
Оның айтуынша, ота жасалғанына қарамастан, қызының басында әлі де ісік бар. Одан құтылу үшін қызға тағы бір ота қажет. Операция құны 9000 доллар көрінеді.
“Қазір бала күтімімен демалыстамын. Осы жылдың шілде айынан бастап үлкен қызым ауырып, тексеру нәтижесінде бас миында ісік бар болып шықты. Қызымның есімі Диана, жасы 20-да. Нұр-Сұлтан қаласындағы Ұлттық нейрохирургия орталығында 7 сағатқа созылған ота жасалды. Нәтижесінде баста ісіктің аз мөлшері қалды. Тексеру кезінде мойын және кеуде тұс жұлынында ісік анықталды”, – дейді көпбалалы ана.
Отбасы осы уақытқа дейін қызын емдету үшін түрлі кредит алған. Ғазиза Боранбаева ендігі ота үшін қаржы таба алмай қиналып отырғандарын айтады.
“Қыркүйек айынан бастап халықтан, ағайын-туыс, әріптестерден қаржылай көмек сұрадық. Өзіміз кредит алдық. Стамбул қаласындағы Лив Хоспитал клиникасымен келісіп, 16 желтоқсан күні мойын жұлынына ота жасалды. Ота сәтті өтті. Аллаға шүкір! Дәрігерлер енді баста қалған ісіктің бөлігіне шұғыл түрде радиотерапия жүргізбесе, өте ауыр ота жасалуы мүмкін екенін айтып отыр. Емнің құны 9000$. Қайтадан қаражат сұрайтын не кредит алатын мүмкіндік жоқ. Бұл ата-ана үшін өте ауыр жағдай”, – дейді ол.
Көп балалы ана қызының операциясы үшін қайырымды жандардың қол ұшын созуын сұрайды.
Реквизиттер:
+7 708 417 23 04
4400 4301 6850 1028 Kaspi банк
4405 6398 1114 9739 Halyk банк
Мирамхан Диана Ғалымжанқызы
ЖСН: 011216601571
