Алматы балабақшаларының бірінде балалар ұрған өзіне қол жұмсағаны хабарланды. Ақпаратты қалалық полиция департаменті растады.

«Алматы қалалық полиция департаменті 1979 жылы туған азамат Б-ның өзіне қол жұмсағанын растап отыр. Қазіргі уақытта Жетісу аудандық полиция департаменті Қылмыстық кодекстің 105-бабы (Өзiн-өзi өлтiруге дейiн жеткiзу) бойынша сотқа дейінгі тергеуді бастады. Қазір істің мән-жайы анықталуда» делінген ақпаратта.

Бұған дейін Алматыдағы жекеменшік балабақшалардың бірінде тәрбиеші балаларды ұрып жатқан видео желіде таралып, үлкен резонанс тудырған. Кейін аталған оқиғаға қатысты балалардың ата-аналары шағымданып, тәрбиешінің кінәсі дәлелденсе 3 жылға дейін бас бостандығынан айырылуы мүмкін екенін хабарланған.

Бүгін Алматы қалалық полиция департаменті оқиға бойынша Қылмыстық кодекстің 140-бабы 2-тармағына (кәмелетке толмаған адамға қатыгездік таныту) сай, тергеу бастап, тәрбиешіден түсінік алған.