Жамбыл облысында үздік спортшылар марапатталды.
«Жыл үздігі – 2021» спорттық номинацияларды тапсыру салтанатына облыс әкімі Бердібек Сапарбаев қатысты.
Аймақ басшысы өңірдегі жетістіктерге, атқарылып жатқан ауқымды жұмыстарға қысқаша тоқталып өтті.
Ел Тәуелсіздігінің 30 жылы ішінде спортшылар талай белестерді бағындырды. Тұңғыш Президент – Елбасы Нұрсұлтан Назарбаевтың арқасында еліміз тәуелсіздік алған сәттен бастап спортқа айрықша көңіл бөлді. Соның нәтижесінде, түрлі әлемдік додаларда, Олимпиада ойындарында көк туымыз биіктен желбіреп, сан мәрте Әнұранымыз шырқалды. Қазақ спортының әлеуеті арта түсті.
Бердібек Сапарбаев жергілкті биліктің басты мақсаты – спортпен айналысушылар үшін барлық қолайлы жағдайлар жасау екенін атап өтті.
Осы орайда спорт саласында жақсы көрсеткіштер көрсеткені үшін Жамбыл облысының әкімі Бердібек Сапарбаев дене шынықтыру және спорт саласын дамытуға қосқан үлесі үшін «Үздік аудандық спорт мектебі -2021» номинациясымен Меркі ауданындағы #22 балалар-жасөспірімдер спорт мектебін марапаттады.
Меркі ауданындағы #22 балалар-жасөспірімдер спорт мектебінің оқушылары көптеген жарыстарда жақсы көрсеткіштерге қол жеткізуде.
Сонымен қатар, спорт мектебінің ұжымы абаттандыру жұмыстарына ерекше мән беріп, аулаға алма бағын баптап, гүлзарлар орнатып, тіпті жылыжайда көкөніс өсіруде.
Диас Шаухаров
