Күні кеше облыс әкімі Бердібек Сапарбаев Сарысу ауданына кезекті жұмыс сапарымен келді.
Аймақ басшысы ауданда атқарылып жатқан ауқымды жұмыстармен қатар, жүзеге асқан іргелі жобалармен танысты. Соның бірі – облыс əкімінің бастамасымен қолға алынған «Асарлатып үй салу» жобасы.
«Асарлатып үй салған, ағайыннан айналдым» демекші, аталған жоба аясында ауданда өткен жылы көпбалалы және аз қамтылған 8 отбасы баспанамен қамтылса, биыл жоспарланған 9 үйдің 8-і ел игіліне берілді. Солардың бірі, Тәуелсіздік мерекесі қарсаңында пайдалануға берілген көпбалалы ана Айгүл Қобланованың шаңырағына облыс әкімі Бердібек Машбекұлы арнайы барып, жаңа қоныс иесін құттықтады.
Айта кетейік, еңсесі биік, іші кең әрі жап-жарық баспананы тұрғызуға демеушілер тарапынан 4,8 миллион теңге қаржы жұмсалған.
3
