Pixabay
Атырауда 35 жастағы азамат қайын әпкесінің жуынатын бөлмесіне жасырын камера орнатқан. Онысын әйелін қызғанғанымен түсіндірді, деп хабарлайды Шаңырақ инфо Express Qazaqstan.сайтына сілтеме жасап…
Атырау полициясының мәліметінше, 17 қазан күні 36 жастағы әйел құқық қорғау органына хабарласып, пәтеріндегі жуынатын бөлменің қабырғасына орнатылған жасырын камераны тауып алғанын айтқан. Тексере келе камераны орнатқан арызданушы азаматшаның күйеу баласы болып шықты.
Күйеу баласының айтуынша, әпкесінің үйіне жиі қонаққа келетін әйелін қызғанып жасырын камера орнатыпты. Тіпті жанына қалта қуаттағышын да жалғаған екен.
35 жастағы күдікті қылмысын толықтай мойындады. Оған қатысты ҚР Қылмыстық кодексінің 147-бабы 3-бөлігімен (жеке өмірге қолсұғушылық) сотқа дейінгі тергеу амалдары жүргізіліп жатыр.
