Журналист Амангелді Батырбековтің үйіне қарулы шабуыл жасалғаны хабарланды

Түркістан облысындағы Сарыағаш-инфо» газетінің редакторы Амангелді Батырбековтің үйіне шабуыл жасалғаны туралы ақпарат тарады. Бұл туралы Нұржүрек Махаев есімді Facebook қолданушысы жазды.

«03.01.2022 жылы сағат 23:00 шамасында Амангельды Батырбеков ағамыздың үйіне шабуыл жасалды. Екі рет оқ атылып ұлы жарақат алды» делінген желудегі жазбада.

Оқиғаның мән-жайы туралы әзірге өзге ақпарат жоқ. Жағдайға байланысты полиция я журналистің өзі пікір білдірмеді.

Журналист бұған дейін әлденеше рет желідегі жазбасына бола «жала жабу» және «қорлау» бабымен қылмыстық істерге тартылып, артынша ақталып шыққан.