Кәмелет жасына толмаған бала жүргізген көлік аударылып, 3 жасөспірім қаза тапты
©Pixabay
Алматы облысының Панфилов ауданында болған жол апатынан үш жасөспірім қаза тауып, кәмелетке толмаған екі бала ауруханаға жеткізілді. Полицейлердің мәліметінше, бес жасөспірім мінген Nissan Cefiro Әулиеағаш ауылының маңында аударылып қалған.
Көлікті 15 жастағы жасөспірім жүргізген, деп хабарлайды Шаңырақ инфо Экспресс К. сайтына сілтеме жасап…
«Оқиға орнында жүргізушінің өзі және 14-15 жастағы екі жолаушы қаза тапты. Түрлі дене жарақаттарымен тағы екі жасөспірім орталық облыстық ауруханаға жатқызылды. Жол-көлік оқиғасы бойынша қылмыстық іс қозғалды. Тергеу амалдары жүргізіліп жатыр», — деп хабарлады Алматы облысы ПД баспасөз қызметі.
Полицейлердің мәліметінше, жасөспірімдерге көлігін айдауға берген жүргізуші жазаға тартылады. Оның үстінен ҚК 349-бабының 4-бөлігі (көлік құралын басқаруға құқығы жоқ жүргізушіге көлік құралын басқаруға рұқсат беру) бойынша іс қозғалған.
