Төтенше жағдай режиміне қарамастан Тараз қаласы бойынша бүгінгі күнге 7 наубайхана жұмыс істейді. Олар: ЖК «Козин», ЖК «Бидай нан», «Тараз нан зауыты» ЖШС, ЖК «Касымов М.», «Надыров» ЖШС, ЖК «Шермухамедов» және ЖК «Ким В.В.». Қала бойынша нан қажеттілігі тәулігіне 80 000 — 83 000 дананы құрайды. Тіркелген наубайханалар нанға деген қажеттілікті толығымен қамтуда. Қаладағы сауда орындарындағы нанның бөлшек бағасы 80-90 теңге аралығында сатылуда, баға тұрақты. Қала бойынша наубайханаларда ағымдағы жағдайда 48 тонна жоғары сұрыпты ұн, 959 тонна бірінші сұрыпты ұн және «Ақ сарай» ЖШС 540 тонна бидай қалдығы бар.
Бүгінде Жамбыл облысында орналасқан 11 екінші деңгейдегі банктердің ішінен жетеуі жұмыс істеуде, жұмыс уақыттары шектеулі, сағат 9.00-ден 17.00-ге дейін. Аудандарда орналасқан банк бөлімшелері толығымен жұмыс істеп тұр, кейбір банк операциялары шектеулермен көрсетіледі (валюта айырбастау операциялары және т.б.).
Темір жол бағыты бойынша барлық бағыттар штаттық кестеге сәйкес жұмыс істеп жатыр.
Бүгінгі таңда Халықаралық Әулие-Ата әуежайынан Тараз-Нұрсұлтан бағыты бойынша күніне бір рейс (дүйсенбі, сейсенбі күндері сағат 9.30-да, ал қалған күндері сағат 18.45-те) қатынауда. Сонымен қатар, төтенше жағдайға байланысты Тараз-Алматы әуе бағыты тоқтатылған.
Бүгіннен бастап қала аумағында 34 бағыттағы 222 автобус сағат 08:00-ден 21:00-ге дейін қатынайтын болады. Төлемақы «TulparCard» арқылы (интернет болмаған жағдайда төлемақы қолма-қол) жүргізіледі.
Құрметті тараздықтар! Кеше Таразда балабақшалар 11 қаңтардан бастап жұмыс істейді деп ақпарат берген болатынбыз.
Алайда, төтенше жағдай режиміне сәйкес қала аумағындағы балабақшаларға балаларды қабылдау 17 қаңтардан басталады деп жоспарлануда.
ХҚКО, емханалар, коммуналдық мекемелер, мектеп, колледж, университет жұмысына қатысты 10 қаңтардағы ақпарат өзгеріссіз қалды.
