Президент Қасым-Жомарт Тоқаев Мәжіліс отырысында билік өкілдерінің жалақысын өсіруге 5 жылдық мораторий енгізетінін мәлімдеді.
Мемлекет басшысының айтуынша, енді министрлердің, әкімдер мен депутаттардың айлығы 5 жыл бойы өспейді.
– Үкімет пен депутаттар және әкімдердің еңбекақыларының шығысы туралы мәселе өткен жылдың соңында белсенді талқыланды. Менің ойымша, олардың жалақысы жеткілікті. Сондықтан олардың жалақысын көтеруге 5 жыл мораторий жариялауға болады деп санаймын. Бұл депутаттар үшін жақсы жаңалық емес екенін түсінемін. Бірақ сіздер де түсінесіздер деп ойлаймын. Ал әкімшілік мемлекеттік қызметкерлер мен бюджеттегілердің жалақысын мүмкіндігінше көтеруді жалғастырамыз, – деді президент.
