Бүгінгі Мәжіліс отырысында барлық күрмеулі тақырыптар сөз болды. Ел экономикасының күретамыры саналатын ауыл шаруашылығындағы шешімін күткен мәселелер де қалыс қалған жоқ.Президенттің «Ауыл шаруашылығына ерекше назар аудару керек» деген сөзі біз секілді талай шаруаларға қолдау болғаны анық.«Соңғы жыл елімізде қуаңшылық болды. Былтырға қарағанда жиналған астық көлемі 4 миллион тоннаға кеміді. Бұл шикізатпен және жем-шөппен қамтамасыз ету ісіне әсер етті.Болжам бойынша биыл да ахуал күрделі болуы мүмкін», — деді Президент.Біз бұл болжамға келісеміз. Себебі біздің өңірде қар әлі қалың түспеді. Бұл өз кезегінде көктің көтерілмейтінін аңғартады.Сондай-ақ, Президент бұған дейін субсидиялау тәсілдерін қайта қарау қажеттігі туралы тапсырма бергенін айта келіп, субсидия алуды жеңілдетуге, оның қолжетімді болуын және ашықтығын қамтамасыз ету қажеттігін тапсырды.Нұрсұлтан Боранбаев, Сарысу ауданы,
«Бақыт-Н» шаруақожалығының төрағасы
Түркістан ауылдық округі
