Тәртіпсіздіктер кезінде полицейлердің бірі жарқыл-шу гранатасын денесімен жауып, сол арқылы әріптестері мен бейбіт тұрғындарды қорғап қалған. Ахметов тәртіп сақшысы аяғынан снаряд жарақатын алғанын айтты. Полицей қазір үйінде, жарақатынан айығып жатыр.

Шенеунік тыныс алу жолын химиялық күйік шалып, қазір ауруханада жатқан Өскемендегі әскери бөлім атқыштар ротасының кіші сержантының отбасына да сый-сияпат жасады. Әкім оған осындай жағдайда көрсеткен батылдығы үшін алғыс айтты.

«Кіші сержант тыныс алу жолының химиялық күйігін алып, қазір ауруханада жатыр. Оның отбасы үлкен — бес баласы бар. Соған қарамастан жауынгер еш ойланбастан бейбіт тұрғындарды қауіпсіздік күштеріне шабуыл жасаған арандатушылардан қорғау үшін тік тұрды», — деді Ахметов.

ШҚО полиция департаментінің мәліметінше, жалпы облыс бойынша 69 полицей мен әскери қызметкер зардап шеккен.