Елімізде болып жатқан төтенше жағдайды барлығымыз да біліп, көріп, естіп,сезініп отырмыз.Бейбітшілік пен тұрақтылықты, ұлттардың достығы мен бірлігін ту еткен Отанымыз мұндай берекетсіздікті қажет етпейді. Тәуелсіздік тарихында біз алғаш рет аса күрделі әрі қатерлі кезеңге тап болдық. Осындай кезеңді бастан кешіру барысында Мемлекет басшысы Қасым-Жомарт Кемелұлы Тоқаев нақты әрі дұрыс шешім қабылдай білді. Тұрақтылық пен конституциялық тәртіпті қалыпқа келтірудің маңызды екеніне назар аударды. Ел болып ұйысуымыздың негізін атап өтті. Осы қабылданған нақты әрі дұрыс шешімдердің арқасына елімізде болып жатқан жағдай тұрақталып, ретке келуде. Сонымен қатар, Президентіміз халықтың әл-аухатын жақсартуға, тұтастығын нығайтуға, қауіпсіздігі мен тұрақтылығын сақтау үшін бірқатар тапсырмалар берді. Қиын күндердің артта қалғанын, ең бастысы бейбітшілік пен тұрақтылықты, бірлігіміз бен татулықты сақтау қажет екендігін жеткізіп, Қазақстан еліміз дамудың жаңа даңғыл жолына түскендігін, шынайы жаңару кезеңі басталғандығын айтты. «Nur Otan» Партиясынан сайланған аудандық мәслихат депутаттары да сындарлы сағатта халықпен кездесіп, блок-бекеттерге ыстық тамақ жеткізіп беруде. Алда барлығымызды жарқын күндер күтіп тұрғанына кәміл сенеміз. Ең бастысы, берекені өз арамыздағы бірлік пен тыныштықтан іздейік, жерлестер!
Марат Нарымбек
