🔹Елімізде енгізілген Төтенше жағдай барлығыңызға белгілі. Еліміздің барлық аймағында болған бейбіт митингті пайдаланып, елімізге қарсы әрекет етіп төңкеріс жасамақ болған содырлар маңызды нысандарды тас-талқан етті. Президентіміз тарапынан жасалған дұрыс шешімдер мен шаралар нәтижесінде оған жол бермеді.
🔹Ең бастысы бүкіл ел бойынша террорлық әрекетке қарсы операция режимін жариялады. Мен өз тарапымнан бұл шешімді өте дұрыс деп санаймын. Қалыптасқан ахуал басталған сәттен бастап, маслихат депутаттары мен аға буын өкілдері аудан тұрғындары арасында болып, тек қана тұрақтылық орнаған мемлекетте ғана, оның ішінде ауданның ұстаған бағыты мен халықтың бірлігі арқылы көздеген мақсатқа жетуге болатындығын түсіндірді. Қазіргі таңда жастар осыны түсініп, шындыққа жанаспайтын жаңсақ пікірлерден аулақ болуын сұраймын.
🔹Біздің басты мақсат — ел аумағында бейбіт тұрғындар үшін қауіпсіздік шараларын күшейту. Осынау қиын-қыстау сәтте ел болашағын ойлап Президент жанына топтасып, ел тұтастығын сақтап қалу, мемлекет басшысының барлық бастамаларына қолдау көрсетуге шақырамын!
Лаура Нұрмаханова,
Б.Қашқынбаев атындағы орта мектебінің директоры
#Күшімізбірлікте#
