«Алматыда тәртіпсіздіктер кезінде Хаиров Сәндібек Ғалимуллинұлы қаза болды. Биыл 11 мамырда 40 жасқа толар еді. Кәсіби шыңдалған офицер өмірден өтті», — деді Қорғаныс министрлігінің баспасөз қызметі өкілдері.
Марқұм Орал қаласында қазіргі Чапаев ауданында дүниеге келген.
«Ол Қарулы күштер қатарында взвод командирінен бастап, авиациялық-шабуылдау бригадасы командирінің орынбасары лауазымына дейін қызмет етті. Ол тәжірибесін бөлісті, адал, сенімді және лайықты командир үлгісін көрсетті. Қорғаныс министрлігінің басшылығы мен Қарулы күштердің жеке құрамы қайғыларына ортақтасып, отбасы мен жақындарына көңіл айтады», — деді ведомство өкілі.
