Белгілі файтер Арман Оспанов соңғы күндері елде болып жатқан жағдайларға қатысты пікір білдірді, деп хабарлайды Шаңырақ инфо Vesti.kz сайтына сілтеме жасап
«Ассалаумағалейкум, ардақты ағайын, құрметті Қазақ елі! АҚШ-қа аттанып, оқу-жаттығу жиынына кіріскен шағымызда елімізде дүрбелең басталып, ашынған халық алаңға шығып жан-айқайын жеткізді. Өкінішке қарай, арандатушылар арасаласып, жазықсыз жандар жан тапсырды, жапа шекті. Осы күнде жақынынан айырылған әрбір азаматқа қайғыра көңіл айтамыз. Жаратқан жандарын жәннаттық қылсын. Елден жырақта болсақ та, жүрегіміз жай таппай, мемлекетіміздің болашағы үшін алаңдаулымыз.✊️Құрметті билік басындағы ағалар, басшылар осы жайттан кейін ақылға салып, әрқашан халықпен бірге боласыздар деген ойдамыз. Ал халқымызды сабырға, ауызбіршілікке шақырып, бірігу керектігін айтқым келеді. Еліміз аман, жұртымыз тыныш, Тәуелсіздігіміз мәңгі болсын, ағайын!», — дейді Оспанов.
