Талғат Құрманалиев қаңтардың 5-6-ы күндері жұмысқа шыққан. «Сол күні бір өлімнен аман қалдық. Шұғыл шақыртумен науқасты алып, Байтұрсыновадағы ауруханаға бағыт түзегенбіз. Жолай атыс болып жатыр деп, бағытты өзгертуге мәжбүр болдық», — дейді жедел жәрдем жүргізушісі.
Шәріпов көшесімен Төле би көшесіне шыққан сәтте алдымыздан бір топ адам шыға келді. Қолдарында жарылғыш, әскери формамен. Жанында өзге де азаматтар болған. Мен қол көтергенге әскерилер екен деп тоқтағаным сол еді, бірден көлікті қирата бастады,
Абырой болғанда топ ішіндегі өзге азаматтар жедел жәрдемге тиіспеңдер деп аман алып қалыпты. Алайда көп ұзамай келесі топ тағы ұстаған. Тоқтамасаң жарылғышпен жарып жіберемін деп қорқытыпты. Тіпті бір жарылғышты көлік ішіне лақтырған. Құдай оңдап, жарылмай қалыпты.
Дәл осылай жұмыс бабымен бүлікшілер соққысына тап болған тағы бір жедел жәрдем бригадасы сол күні жарақат алған сарбаздарды шешіндіріп тасуға мәжбүр болыпты. Екі мәрте шақыртуға шыққан олар ауруханаға 5 адамды жеткізген.
Жолай жедел жәрдем көлігін тоқтатады. Ішін тексеріп, әскери киімде науқас жатса, түсіріп алып, соққыға жықты. Біз амалсыз сарбаздарды шешіндіріп тасыдық,
Екі күн бойына бастарын бәйгеге тігіп жұмыс істеген жедел жәрдем бригадалары сол күнгі оқиғаны әлі ұмыта қоймаған. Десе де аман қалғандарына, жарақат алғандарға көмек қолын созғанына разы.
Алматыдағы қақтығыс кезінде жедел жәрдемге шабуыл жасалғаны туралы Экспресс К бұған дейін жазды.
Ескерту: бейнеде бейпіл сөздер кездеседі!
Ескерту: бейнеде бейпіл сөздер кездеседі!
