Лаңкестердің әрекеті бір орталықтан үйлестірілді, деп хабарлады ҚР Бас прокуратурасы Қылмыстық қудалау қызметінің басшысы Серік Шалабаев.
— Мемлекет басшысының тапсырмасы бойынша Бас прокуратура Алматыдағы қайғылы оқиғаның және басқа өңірлердегі терактілердің барлық себептері мен егжей-тегжейлерін анықтау бойынша жұмыс жүргізуде. Біз қазірдің өзінде бұл оқиғалардың барлығы бір тізбектің буындары және лаңкестердің әрекеттері бір орталықтан үйлестірілген деп айта аламыз, – деді Шалабаев сәрсенбі күні брифингте.
Бұл ретте ол «құқық қорғау органдары лаңкестік әрекеттерге қатысушыларды анықтап, жазалау, елдегі қоғамдық қауіпсіздікті толық қалпына келтіру үшін барлық қажетті шараларды қабылдап жатқанын» баса айтты.
