17.01.2022 жылы 08 сағат 59 минутта Жамбыл облысы ТЖ департаментінің күштер мен құралдарды жедел басқару орталығының 101 қызметіне Жуалы ауданы, Ташкент-Алматы тас жолының 901 шақырымында Газель жолаушылар автокөлігі жолдан шығып кетуі салдарынан аударылғаны туралы хабарлама келіп түсті. Оқиға орнына Жуалы ауданы №7 өрт сөндіру бөлімінен 5 өрт сөндіруші-құтқарушы шығып, автокөлікті орнынан тұрғызып, жолаушылардың аталған оқиғадан зардап шеккен-шекпегендігі жіті тексерілді. Оқиға салдарынан зардап шеккендер мен жарақат алғандар жоқ болуы себепті жолаушылар медициналық көмекті қажет етпегендіктен оларға қауіпсіздік шараларын қатаң сақтауларын жөнінде ескертілген соң одан әрі сапарларын жалғастырған.
Сондай-ақ облыста өткен демалыс күндері өрт сөндіруші-құтқарушылар шөпханада орын алған өрт оқиғаларын жою бойынша жұмыстарға және пәтер иелеріне кілттеніп қалған пәтерлерінің есіктерін ашып беру жұмыстарына, сондай-ақ полиция қызметіне көмек көрсету мақсатында шыққан. Осыған орай Жамбыл облысы ТЖ департаменті облыс және қала тұрғындары мен қонақтарына үйде қарттар мен балаларды қараусыз қалдырмай, үйден шығарда газ және электр құралдарын қуат көзінен суырып, өрт қауіпсіздігі ережелерін қатаң сақтауды ескертеді. Сондай-ақ, ұялы телефонға келіп түскен ауа-райы жөніндегі хабарламаларға үнемі назар аударып, ауа-райының қолайсыз кезеңінде жолға шығуды кейінге қалдырған жөн екендігін еске салады. Ал өрт немесе өзге түрлі сипаттағы төтенше жағдайларға тап болғанда 101 немесе 112 телефон нөмірлеріне қоңырау шалу қажеттігін ескертеді.
https://www.facebook.com/100012932892991/posts/1318401601934257/
