Бұл туралы қала әкімінің орынбасары Ілияс Өсеров қаланың тыныс-тіршілігін қалпына келтіру жөніндегі қалалық штаб отырысында айтты, деп жазды turkystan.kz.
Әкім орынбасарының айтуынша, қазір жаппай тәртіпсіздік кезінде келген шығын есептеліп жатыр.
«Алдын-ала болжам бойынша, шығын көлемі – 112,6 миллиард теңгені құрайды. Ал оның 67 миллиард теңгесі бизнес субъектілеріне тиесілі. Бүліктен кейін 240 нысан зардап шекті. Басым бөлігі есік-терезесін ауыстыруды қажет етеді және жартылай өртенген нысандар бар. Оның 27-сі мемлекеттік мекеме ғимараты болса, ал 216-сы – шағын және орта бизнес нысаны. Әкімшілік ғимараттарға жалпы 22,6 миллиард теңге шығын келді», – дейді ол.
Атап айтқанда, Алматы әкімдігінің ғимаратына – 20 миллиард теңгенің, прокуратура ғимаратына – 2 миллиард, Полиция департаменті мен бөлімшелеріне – 205 миллион, экобекеттерге – 163 миллион, ал медицина нысандарына – 2 миллион теңгенің шығыны келген.
