Алматы облысында бүлікшілермен қақтығыста қаза тапқан әділет прапорщигі Ербол Ержановтың денесі жер қойнына тапсырылды. 7 қаңтарда тергеу изоляторына шабуыл жасалып, қарулы топ ондағы қызметкерлерге оқ жаудырған болатын.
Марқұмның әкесінің айтуынша, ұлы тергеу изоляторында 22 жыл қызмет еткен және зейнетке шығуға дайындалып жүрген, деп хабарлайды Экпресс К.
Талдықорғанда бүлікшілермен қақтығыста қаза тапқан ЛА-155/16 тергеу изоляторының қызметкерін туыстары мен әріптестері ақтық сапарға шығарып салды.
Қылмыстық-атқару жүйесі комитетінің мәліметінше, қаруланған топтың шабуылы кезінде оқ әділет прапорщигі Ербол Ержановтың басы мен аяғына тиген.
Ербол Ержанов 1976 жылы дүниеге келген.
Менің ұлым тергеу изоляторында 22 жыл қызмет етті. 6 қаңтарда оның мерзімі аяқталып, зейнетке шығуы керек еді. Отанның бейбітшілігі мен тыныштығы үшін өз өмірін құрбан етті. Барлығыңыздан сұранарым, арандатуға ермейік. Лаңкестер пайдаланып кетті,
Марқұмның артында әкесі, әйелі мен екі баласы қалды. Ұлы әскери институттың курсанты. Қылмыстық-атқару жүйесі комитетіндегілер курсант әкесін ақтық сапарға шығарып салуға келе алмағанын айтты. Ол елдегі террорлық ахуалға байланысты оқу-жаттығу базасында болған.
https://exk.kz/kk/news/119433/kaza-tapkan-praporshchiktin-kiesi-zieinietkie-shyguga-daiyndalyp-zhurdi?utm_campaign=recommendation&utm_source=ainews
